| رب قدر کرے دلداروں کی |
| سرکار کے کل حب داروں کی |
| دلبر سے رفاقت جن کو ملی |
| کیا شان ہے خدمت گاروں کی |
| جن راہوں پہ آقا گزرے ہیں |
| زہے قسمت ان بازاروں کی |
| جب پشت خلیل میں تھے آقا |
| گلزار بنی انگاروں کی |
| جو طور پہ خاص تجلیٰ تھی |
| پہچانیں جھلک انواروں کی |
| کس خاطر روندا ابرہہ کو |
| یا قوت تھی منقاروں کی |
| جس موسم کے گل بانٹیں نبی |
| مت پوچھیں آن بہاروں کی |
| جو حد سدرہ کی پار کریں |
| دیں خبر وہ دہر کناروں کی |
| قوسین میں یہ ہی دلبر تھے |
| جنہیں دید ہے حق نظاروں کی |
| ہیں چُور حرم کے بت جن سے |
| کیا ضرب ہے اُن تلواروں کی |
| وہ خلدِ بریں کے وارث ہیں |
| ہر جنت اُن کے یاروں کی |
| محمود یوں خاص وہ نبیوں میں |
| جو نسبت چاند سے تاروں کی |
معلومات