| یہ دنیا مجمعِ فتنہ رہی ہے روزِ اول سے |
| کئی فتنے تھے میرے فتنۂ عالم سے پہلے بھی |
| فلک پھر شوق سے دینا مجھے رنجِ گراں مایہ |
| کہ خود تیار ہو جائیں اگر اس غم سے پہلے بھی |
| محبت کے بنا تو شاعری آتی نہیں ثانی |
| کئی غم چاہیے اس نوحہ و ماتم سے پہلے بھی |
| کہ اس بن زندگی تو بوجھ بن جائے گی یاں میری |
| ہاں مجھ کو موت دے مولیٰ مرے ہمدم سے پہلے بھی |
| بشر کے واسطے تسبیح کیوں ہوگا نہ میرا نام |
| فرشتوں کے درودوں میں بھی تھا آدم سے پہلے بھی |
| محبت نفرتوں کے راستے پروان چڑھتی ہے |
| مجھے تو زخم بھی کچھ چاہیے مرہم سے پہلے بھی |
معلومات