لمبے سفر کی چاہ ہے پر رستہ مختصر |
مجبور زیست سے سبھی کا رشتہ مختصر |
آنکھیں کھلیں گی بند ہو کر ہی حقیقتاً |
برسوں کی زندگی لگے گی لمحہ مختصر |
ہر غم کی عمر ہوتی ہے تھوڑی سی دوستو |
شب کو سحر یہ دے رہی ہے مژدہ مختصر |
پوجیں جسے، سدا رہے اس کے خفا کا ڈر |
دستورِ بندگی کا ہے یہ نکتہ مختصر |
کیوں امتحان میں ہمیں ڈالا نواز کر |
ہے دل بےاختیار کا یہ شکوہ مختصر |
اتنے ہوئے ہیں ٹکڑے دلِ بے قرار کے |
حصّے میں میرے رہ گیا اک حصّہ مختصر |
باتیں اثر ہی کھو گئی ہیں بات کیا کریں |
جو دل سے ہو بیان تو اک کلمہ مختصر |
ہر داستان وقت ختم کر گیا ظفر |
سب ہی کہانیوں کا ہے یہ قصّہ مختصر |
معلومات