مری عادت ہے خودتحقیق کرنا |
پھر اس کے بعد ہی توثیق کرنا |
ازل سے قبل ہی سب طے شدہ تھا |
ہے کس کو کس طرح تخلیق کرنا |
صداقت ہے اگر باتوں میں میری |
تو میرے یار پھر تصدیق کر، نا |
بہت مشکل ہے کرنا جمع لیکن |
بہت آسان ہے تفریق کرنا |
یہ کیسا عالمانہ مشغلہ ہے؟ |
اِسے کافر اُسے زندیق کرنا |
سنو، اب یہ مرا اگلا ہدف ہے |
بہر صورت تمھیں صدیق کرنا |
دلیلوں کے لیے ڈھونڈیں دلیلیں؟ |
مصیبت ہے عجب تدقیق کرنا |
لٹانا عشق میں تیرے سبھی کچھ |
مرے مالک مری توفیق کرنا |
معلومات