| ہجرِ نبی میں جب دل ہوتا ہے بے قرار |
| گریاں یہ آنکھ میری ہوتی ہے بار بار |
| دل سے پیام ہے یہ بادِ مدینہ لے |
| کہنا کریم آقا بردہ ہے اشکبار |
| مشکل بڑی ہیں گھڑیاں ہجر و فراق کی |
| کہتا ہے پیارے در پر آئے یہ جاں نثار |
| لیکن کبھی جو من میں آتی ہیں لغزشیں |
| جس کی وجہ سے عاصی رہتا ہے شرم سار |
| سرکار کرم کر دیں صدقے حسین کے |
| توبہ کروں میں دل سے توبہ ہو بار بار |
| قسمت کے ہیں دھنی جو وہ در پہ آ گئے |
| مجھ کو بلا لیں آقا سرکارِ نام دار |
| محمود کی ندا ہے سینے میں جو چھپی |
| پیاری وہ دیکھے جالی آنکھیں ہوں پُر بہار |
معلومات