| نہ ملاقات نہ اب شوقِ ملاقات رہا |
| وہ محبت نہ ہی وہ شعلہِ جذبات رہا |
| اب چلو ترک کروں خود کو میں آزاد کروں |
| مرے آنگن میں ترا دکھ کہ جو دن رات رہا |
| مجھ سے ملنے کو تڑپ جو تُو دکھاتا تھا کبھی |
| نہ وہ شدت نہ خیالوں میں مرے ساتھ رہا |
| میں بھی مغلوب رہا اپنی اناؤں کے سبب |
| رابطہ توڑنے میں تیرا بھی کچھ ہاتھ رہا |
| اب تو اچھی نہ لگے کوئی بھی موسم کی ادا |
| ویسی بارش نہ ہی وہ موسمِ برسات رہا |
| سوچتا ہوں کہ کہاں مجھ سے رہی کوئی کمی |
| کیوں کسی اور پہ وہ دستِ عنایات رہا |
| تیری تصویر رہی دل پہ جو اک بار چَھپی |
| عشق تیرا ہی مرا عکسِ خیالات رہا |
| تیری قربت ہی ہمایوں کے رہی پیشِ نظر |
| تجھ سے جو دور رہا باعثِ حالات رہا |
| ہمایوں |
معلومات