| جہاں والو نے دیکھی ہے یہ طاقت ابن حیدر کی |
| یزیدیت لرزتی تھی وہ ہیبت ابنِ حیدر کی |
| جو دشمن کے لیے آندھی جو اپنوں کے لیے سایہ |
| عجب انداز ہے لطف و شجاعت ابنِ حیدر کی |
| مرا دعوہ ہے دوزخ میں خدا انکو نہ ڈالے گا |
| لئے جو مر گیا ہو دل میں الفت ابن حیدر کی |
| سرِ مقتل بھی سجدے میں جھکا کر سر بتا ڈالا |
| خدا سے تھی بھلا کیسی محبت ابنِ حیدر کی |
| بچایا ڈوبنے سے جس نے دینِ حق کی کشتی کو |
| زمانے بھر پہ ہے واضح حقیقت ابنِ حیدر کی |
| حسین منی جسکو کہہ دیا میرے نبی نے پھر |
| بھلا کیسے بیاں ہو شان و رفعت ابن حیدر کی |
| ذرا سی بادشاہت پر سمجھتے کیا ہے یہ ظالم |
| ہے پھیلی دو جہانوں میں سدارت ابن حیدر کی |
| بقا اسلام کو بخشی ہے جس نے کربلا سے ہی |
| وہ بے شک لازوال و پاک طینت ابنِ حیدر کی |
| جہاں میں کون ایسا ہے علی کے لاڈ لو جیسا |
| کہ بنتی ہو سواری خود رسالت ابن حیدر کی |
| یزیدی ظلم کی بنیاد جس سجدے نے لرزا دی |
| قیامت تک رہے گی وہ عبادت ابنِ حیدر کی |
| جلا ڈالا تھا سب کچھ ایک ہی نظرِ جلالت سے |
| نظر والوں نے دیکھی تھی کرامت ابن حہدر کی |
| ہم ایسی چھاپ چھوڑنگے زمانہ یاد رکھے گا |
| بیاں کر کے وہ کر بل کی شہادت ابن حیدر کی |
| طرب کو حشر کے دن کا کوئی بھی خوف کیسے ہو |
| کہ ہوگی ساتھ میرے تب حمایت ابنِ حیدر کی |
معلومات