| چاندنی، کہکشاں، روشنی میں، |
| خامشی، تیرگی، بے خودی میں، |
| گفتگو، بے صدا، بے کلی میں۔ |
| ریت سی، بے نشاں، وسعتیں ہیں، |
| بے خبر، بے صدا، ساعتیں ہیں، |
| لب بہ لب، جاں بہ لب، وحشتیں ہیں۔ |
| بے کراں، موجزن، تیز دھارا، |
| ناخدا، بے سکت، بے کنارا، |
| بے یقیں، بے خبر، بے سہارا۔ |
| بام، در، خاک میں، کھو چکے ہیں، |
| زرد رخ، بے نوا، رو چکے ہیں، |
| خواب سب، راکھ میں، سو چکے ہیں۔ |
| بال و پر، بے ہنر، بے ٹھکانا، |
| بے اماں، دشت میں، آشیانہ، |
| بے زمیں، بے قفس، درد مانا۔ |
| عکس کا، رنگ بھی، ماجرا سا، |
| سایہ، بے جسم، بے آسرا سا، |
| حرف، بے صوت، بے مدعا سا۔ |
| قصۂ، بے ہنر، بے بصارت، |
| حکمتیں، فلسفہ، بے اشارت، |
| داستاں، بے صدا، بے عبارت۔ |
| ساز ہے، بے خودی ، بے نوا ہے |
| سانس بھی رنگ کے بس سوا ہے، |
| خامشی، بے سکوں، بے بقا ہے، |
| یہ عدم، لا مکاں، بس فنا ہے۔ |
معلومات