| غزل اردو |
| اب تو تنہائی سے کچھ ایسا ہے یارانہ سا |
| ساتھ سایہ بھی ہو لگتا ہے وہ بیگانہ سا |
| میری باتوں پہ کوئی کان بھی اب دھرتا نہیں |
| چھوڑو کہتے ہیں یہ اک شخص ہے دیوانہ سا |
| مجھ کو تو لوگ نظر آتے رقیبان ہیں سب |
| خوف رہتا ہے ہمیشہ یہی انجانا سا |
| مجھ کو چلنے کی اکیلے ہی پڑی عادت ہے |
| یہ بھی انداز ہے اپنا تو جداگانہ سا |
| بڑھنے لگ جائے اگر تلخی تو سوری کہنا |
| یہی دستورِ تکلم ہے شریفانہ سا |
| خون اترا ہے تری آنکھوں میں اے جانِ جگر |
| ہر رویہ ہے ترا یار سفاکانہ سا |
| جانے کب اس سے ملاقات ہوئی ہے انور |
| اس کا چہرہ تو مجھے لگتا ہے کچھ جانا سا |
| انور نمانا |
معلومات