| رکھے اونچے جن کے خدا نے مقام |
| سدا ان پہ آئیں درود و سلام |
| مقدر میں جن کے مدینہ لکھا |
| وہ سمجھیں کہ تحفہ خدا سے ملا |
| بنا میرے مولا نبی کا غلام |
| ملیں جن کو تیرے درود و سلام |
| معطر ہے ہر دم نبی کا نگر |
| ہے اکرام جس کا سدا معتبر |
| ہوائے عرب ہے حزیں کا پیام |
| نبی مصطفیٰ پر درود و سلام |
| رہے گا یہ تاباں دہر میں سدا |
| خدا کا نبی جو اسے مل گیا |
| دعا گو ہیں اس کے جو خیر الانام |
| ہمیشہ ہیں جن پر درودو سلام |
| ملی جس سخی کو ہے کوثر تمام |
| ہیں خالق کے ان پر درودو سلام |
| ہیں نبیوں کے دولہا نبی مصطفیٰ |
| عُلیٰ درجہ جن کو خدا سے ملا |
| ہیں ان کے غلاموں میں نوری دوام |
| خدا بھیجے جن پر درود و سلام |
| نبی کے ہیں بردے نبی کے غلام |
| کریں ورد مل کر درود و سلام |
| ہے جن کا جہاں میں سدا فیضِ عام |
| کرے ذکر ان کا خدائی تمام |
| اے محمود ان سے جگت کا نظام |
| خدا کے ہیں جن پر درود و سلام |
معلومات