| ہر اک کو ڈال دوں دانہ نہیں ہوں |
| کوئی۔ درہم۔ کوئی۔ آنہ۔ نہیں ہوں |
| مسلسل شب کی خود سوزی دلا دے |
| دمِ عجلت کا پروانہ نہیں ہوں |
| کئی صدیوں کی ہجرت۔ نے بُنا ہے |
| کوئی ہلکا سا افسانہ نہیں ہوں |
| نگاہوں میں چھپاتا ہوں سمندر |
| چھلک جائے کہ پیمانہ نہیں ہوں |
| بچھڑنا خود سے ایسا بھی کہاں کا |
| جو دستک دوں کہ بیگانہ نہیں ہوں |
| پہن لوں سانولی اپنی لکیریں |
| تمہارا سرخ دستانہ نہیں ہوں |
| کسی دن ہوش میں آؤں گا سن لو |
| علی شیدا ہوں دیوانہ نہیں ہوں |
معلومات