| بھٹک کر جب اسی گھر پر گیا ہوں |
| وہی در پر گرا پھر رو دیا ہوں |
| کبھی جس سے گریزاں بے وجہ تھا |
| مدد اس سے طلب اب کر رہا ہوں |
| محبت کا عجب عالم سمایا |
| نجانے اب کہاں کھوسا گیا ہوں |
| دلِ بے خانماں سنتا نہیں کچھ |
| نگاہِ یار میں ڈوبا ہوا ہوں |
| ہوا غم کونسا لاحق تجھے ہے |
| سمجھ کر غمزدہ پھر سے ہوا ہوں |
| مرا دل ہوچکا راضی مگر کیا |
| کسی قابل ابھی بھی رہ گیا ہوں؟ |
| رہوں گا منتظر میں حشر کا گل |
| بہت غم ضبط اپنے کر چکا ہوں |
معلومات