| اس شوخ کا جب سے دلِ مضطر پہ کرم ہے |
| دنیا کی ہر اک شے سببِ رنج و الم ہے |
| ہر لمحہ گزرتا ہے اسی لیلی کی دھن میں |
| جتنا بھی میسر ہو وہ دل کہتا ہے کم ہے |
| واں حسن فروزاں ہے تو یاں عشق ہے سوزاں |
| کس بات کا پھر اس دلِ بیتاب کو غم ہے |
| مے خانۂ اغیار میں کیا لذتِ بادہ |
| پیمانہ و مینا میں بھلے ساغرِ جم ہے |
| اے بادہ کشِ جامِ تمنا ! تری حسرت |
| کاکل کی شکن یا لب و رخسار کا خم ہے |
| اس حسن کی آوارہ مزاجی کے تصدق |
| اس دل کو ابھی اور ذرا شوقِ ستم ہے |
معلومات