| سمندر میں کوئی پیاسا ہے تو پیاسا ہے دانستہ |
| کوئی غم ہے کہ جس کو پالنا پڑتا ہے دانستہ |
| اذیت سے کوئی دشمن مجھے کیوں کر نکالے گا |
| نشانہ چوکنے والا نہ تھاچوکا ہے دانستہ |
| ہماری بے نیازی بے حسی لگنے لگی اس کو |
| تو اس کو دیکھتے ہی چونکنا پڑتا ہے دانستہ |
| ترے شہکار کے دیدار کی حد بھی مقرر ہے |
| سبھی سے فاصلہ ہم نے بنا رکھا ہے دانستہ |
| کوئی بھی زہرِ قاتل کا مزہ کیا ہے بتا پاتا |
| کوئی دھوکا نہیں کھایا مگر کھایا ہے دانستہ |
| تنازع کے بنا کوئی کہانی ہو نہیں سکتی |
| خدا نے اک شجر ممنوع کر رکھا ہے دانستہ |
| ذرا سی روشنی کردے تو سب مجرم دکھائی دیں |
| اندھیرے میں دیا کس نے چھپا رکھا ہے دانستہ |
معلومات