| نام احمد اور محمد مصطفیٰ ہے آپ کا |
| ذکر عالی شان رب نے کر دیا ہے آپ کا |
| جس میں سچ اور جھوٹ بالکل صاف آتا ہے نظر |
| کچھ بھی کہہ لے یہ زمانہ آئینہ ہے آپ کا |
| تیرگی تھی کفر تھا اور شرک و بدعت ہر طرف |
| روشنی ایسے میں کرنا حوصلہ ہے آپ کا |
| لے چلے تشریف آقا ساتھ میں جبرئیل کے |
| منتظر سارا ہجوم انبیا ہے آپ کا |
| انبیاکے معجزے تو ہوتے تھے جیون تلک |
| جو قیامت تک ہے باقی معجزہ ہے آپ کا |
| آج معافی دوں گا سب کو بھائی یوسف کی طرح |
| خوبصورت کس قدر اعلانیہ ہے آپ کا |
| کامیابی چاہیے گر آپ کو ازہر میاں |
| راستہ چنیۓ وہی جو راستہ ہے آپ کا |
معلومات