| زہے ختمِ رسل آئے دلوں میں شادمانی ہے |
| مزین گلشنِ ہستی سجی یہ زندگانی ہے |
| مبارک ہو، مبارک ہو، مبارک آج کی گھڑیاں |
| ملے محبوبِ یزدانی خدا کی مہربانی ہے |
| جمالِ دو سریٰ آئے نبی المصطفیٰ سرور |
| ہیں ماں جی آمنہ گویا، کیا ساعت سہانی ہے |
| ہیں گھر آئے حلیمہ کے امامِ مرسلیں ہادی |
| خوشی میں عبدمطلب ہیں، ملی جن کو نشانی ہے |
| فرشتے قبلہ کعبہ میں، لئے میلاد کے پرچم |
| جو جبرائیل ہیں جھومے، خوشی کی ترجمانی ہے |
| فزوں تر حسنِ ہستی ہے، نزولِ رحمتِ حق میں |
| یہ آمد مصطفیٰ کی ہے، جو ہر سو گلفشانی ہے |
| ملے محمود! تحفے، جو جہاں کو، جانِ ہستی سے |
| ہدایت ہے اسی میں وہ، جو دیتی کامرانی ہے |
معلومات