ملائکہ با ادب جُھکے ہیں |
سلامی کو انبیا کھڑے ہیں |
جہان والوں کے غم مِٹے ہیں |
نصیب سب کے چمک اُٹھے ہیں |
حضورؐ تشریف لا چُکے ہیں |
سَبھی جَہاں کو پِسر مِلے ہیں |
کہ صَیدِ بستہ کو پَر مِلے ہیں |
خزانے اللہ کے بَٹے ہیں |
حضورؐ تشریف لا چُکے ہیں |
یہ مژدہ جبریلؑ نے سنایا |
سُنو سُنو خیر کا دِن آیا |
وہ آیا ہے آمنہؑ کا جایا |
مَلک بَشر سب ہی جھومتے ہیں |
حضورؐ تشریف لا چُکے ہیں |
وہ نور پھوٹا وہ بدلی چھائی |
وہ ابر برسا بہار آئی |
حیاتِ تازہ چمن نے پائی |
خزاں کے دن دیکھو ڈھل گئے ہیں |
حضورؐ تشریف لا چُکے ہیں |
سبھی خطاؤں کو بھول جاؤ |
مزید جاں پر ستم نہ ڈھاؤ |
گناہ گارو چلے ہی آؤ |
خدا کی رحمت کے در کُھلے ہیں |
حضورؐ تشریف لا چُکے ہیں |
معلومات