| خدا جن پہ نازاں مدینے میں ہیں |
| زمانے کے سلطاں مدینے میں ہیں |
| جو سدرہ سے آگے گئے عرش پر |
| مکمل یہ انساں مدینے میں ہیں |
| عُلیٰ نوریوں سے دنیٰ کے مقیم |
| ازل کے یہ تاباں مدینے میں ہیں |
| کریں روپ جن کے منور جہاں |
| حقیقت وہ عرفاں مدینے میں ہیں |
| خُلق جن کے اعلیٰ کہے کبریا |
| سجائیں وہ دوراں مدینے میں ہیں |
| وہ آقا وہ ہادی وہ سالار حق |
| ہیں ناطق یہ قرآں مدینے میں ہیں |
| سکھائے جو دلبر سلیقے کمال |
| حیا اُن پہ نازاں مدینے میں ہیں |
| مدینے چلیں داماں سینے چلیں |
| گراں راز پنہاں مدینے میں ہیں |
| ملا جامِ توحید جن سے ہمیں |
| یہ جاں اُن پہ قرباں مدینے میں ہیں |
| ہیں محمود داتا سخی مصطفیٰ |
| حسیں نورِ رحمٰں مدینے میں ہیں |
معلومات