| اردو نظم (میرے والدین) |
| میرے ماں باپ کی محنت کا ثمر زندہ ہے |
| ان کی اب تک بھی دعاؤں کا اثر زندہ ہے |
| وہ مری روزی و روٹی کا ذریعہ ہے بنا |
| وہ مجھے دے کے گئے تھے جو ہنر زندہ ہے |
| ان کی قبروں پہ خدا رحمتیں برسائے سدا |
| جو لگایا تھا انہوں نے وہ شجر زندہ ہے |
| میں زمانے کے تھپیڑوں سے نپٹ لیتا ہوں |
| میری فطرت میں انہیں کا یہ گہر زندہ ہے |
| زیست میں شام مری کر وہ گئے تھے انور |
| ان کی یادوں کی مگر اب بھی سحر زندہ ہے |
| انور نمانا |
معلومات