| پھر پاک بن رہا ہے مدینہ کے جیسا شہر |
| ہو خوش زمانہ آتا ہے خیر القرون کا |
| پانی پئیں گے گھاٹ پہ بکری و شیر ساتھ |
| قسمت سنور بھی سکتی ہے اس کے دو نون کا |
| لیکن بتا رہا ہے خلافت کا خط و خال |
| تیرا خلیفہ ہوگا وہ مغرب کا اک غلام |
| اسلام ہوگا مغربی ہاتھوں کی اک کنیز |
| یورپ کے در پہ حکم سے ناچے گی صبح و شام |
| اس نے کیا ہے حکم تو مسجد کو ڈھا دیا |
| تیرا خلیفہ کعبہ و قبلہ کو ڈھائے گا |
| اور پھر کہے گا یہ ہے خلافت رسول کی |
| ہر اک بشر اس دیر کا چکر لگائے گا |
| حیران ہو گیا ہے یہ آزر بھی دیکھ کر |
| نمرودی مملکت بھی یہ کیا کام کر گئی |
| فاروق جس کے سامنے تھراتا روم تھا |
| تیرا خلیفہ روم کے آگے ہے سجدہ ریز |
| دن میں تمہارے ملک میں ہے شام سا اندھیر |
| وہ شام اور تھی کہ جو ہوتی تھی صبح خیز |
| کیا خوب ہے مدینہ ریاست کا یہ نظام |
| گرجا کو ہیں سہولتیں مسجد کو ٹیکس ہے |
| کیا خوب ہے تمہاری ریاست کا منتظم |
| مؤمن کو ہیں اذیتیں ملحد کو رکس ہے |
| ڈھنگ میں ہے یہ فرنگ شباہت میں ہے ہنود |
| اس سے بھلا کیا کام ہو اسلام کا کبھی |
| آتی ہے اس پہ مجھ کو ہنسی جس پہ رات دن |
| شیطان کا لباس ہو احرام کا کبھی |
معلومات