| فرمائے جن کو مولا خُلقِ عظیم ہیں |
| مومن پہ احساں رب کے آقا کریم ہیں |
| خلقِ خدا کے محسن سرکارِ دوسریٰ |
| خیرات میں جو دیتے خُلد و نعیم ہیں |
| حسنِ نبی سے پردہ میثاق میں اٹھا |
| مجلس نے دیکھے رب کے کیسے ندیم ہیں |
| بعد از خدا عُلیٰ یہ مختار مصطفیٰ |
| دانائے دہر بھی ہیں رشکِ کلیم ہیں |
| ہے فیض عام ان کا ہر آن ہر گھڑی |
| درماں ہیں جو دکھوں کا اعلیٰ حکیم ہیں |
| کرتے بھلا ہیں سب کا ہو غیر بھی اگر |
| ہستی میں پیارے ہادی سب سے رحیم ہیں |
| محمود رتبہ جن کا جانے خدائے پاک |
| الحمد وہ ہمارے پیارے کریم ہیں |
معلومات