| یہ لہو، یہ دھواں، ظلم کی یہ فضا |
| جل رہا ہے یہاں پھر سے اہلِ غزہ |
| کس کو آواز دیں، کوئی سُنتا نہیں |
| دل میں غم، آنکھ نم، لب پہ بس یہ دعا |
| ہر صلیبِ ستم توڑ دے اے مجیب |
| عدلِ رب کی گھڑی آرہی ہے قریب |
| اے مسلمان تو بس تماشائی ہے؟ |
| کیا تری غیرتِ دیں میں رُسوائی ہے؟ |
| رہ گئے تنہا ہم، دیکھ لے اے خدا |
| کب تک آئے گی بس آہِ دل سے صدا؟ |
| دل شکستہ ہیں سب، حال ہے یہ عجیب |
| عدلِ رب کی گھڑی آرہی ہے قریب |
| یہ زمیں جل رہی ہے، تو خاموش ہے |
| ساری امت کا چہرہ لہو پوش ہے |
| کیوں ملائک نہیں آ رہے ہیں یہاں |
| ہے کہاں تیری نصرت، اے ربِّ عُلا؟ |
| اب مدد کر کہ مظلوم ہیں ہم غریب |
| عدلِ رب کی گھڑی آرہی ہے قریب |
| اے خدا! دیکھ لے دشمنوں کا غرور |
| کھو چکا ہے بشر سارا حسنِ شعور |
| آسماں سے عطا کر مدد لازوال |
| بھیج دے اب فرشتوں کی فوجِ کمال |
| تیرے بندوں کی حالت ہوئی ہے عجیب |
| عدلِ رب کی گھڑی آرہی ہے قریب |
| سارا عالم تماشے میں ہے یوں مگن |
| عدل کے نام پر ظلم کے ہیں جتن |
| ظلم کی آگ میں جل رہے بے گناہ |
| تیرے بندے ہیں یا رب، ہمیں دے پناہ |
| ختم کردے ستم بس بدل دے نصیب |
| عدلِ رب کی گھڑی آرہی ہے قریب |
| سر اٹھا کر کھڑے ہیں یہ اہلِ وفا |
| اب تو فریاد سن لے مری اے خدا |
| بس شہادت کے خوابوں کو دیکھا سدا |
| اپنی راہوں میں لکھا ہے بس کربلا |
| ہر طرف ظلم کی توڑ دے تو صلیب |
| عدلِ رب کی گھڑی آرہی ہے قریب |
معلومات