| مبارک ہو گھڑی آئی نبی آخر زماں آئے |
| بنائے کن فکاں دلبر ہیں دانائے جہاں آئے |
| عُلیٰ ڈنکے بجیں جن کے کریمی جانِ ہستی ہیں |
| امامِ انبیا ہادی شہِ کون و مکاں آئے |
| زہے داتا سہارا ہیں غریبوں بے کسوں کا بھی |
| جنابِ مصطفیٰ آقا شہِ کون و مکاں آئے |
| جہاں پر چھا گئی رحمت مسرت شادمانی ہے |
| بڑے جود و کرم والے شفیعِ مجرماں آئے |
| گئی ظلمت جہانوں سے گرے طاغوت اوندھے ہیں |
| لئے قرآن ہاتھوں میں طبیبِ انس و جاں آئے |
| حسیں تر ہر زمانے کے جمالِ دو سریٰ ہیں جو |
| سخی داتا شہِ بطحا زمانے کی ہیں شاں آئے |
| وہی نورِ ہدایت ہیں انہی سے مستی ہستی میں |
| نبی حسنِ جہاں دلبر میانِ عاشقاں آئے |
| لئے محمود بھی کاسہ درِ الطاف آ پہنچا |
| ملے اک دید جانِ جاں حبیبی جاں میں جاں آئے |
معلومات