| کرونا اک حقیقت ہے اسے سازش نہ سمجھو تم |
| اسے دشمن کی بھڑکائی ہوئی آتش نہ سمجھو تم |
| یہ آفت ناگہانی ہے نہیں یہ تاج ہیروں کا |
| اسے پیسہ کمانے کی کوئی کوشش نہ سمجھو تم |
| بہت ہیں ٹوٹکے لیکن دوا ہے ویکسی نیشن |
| اسے ہرگز گلے کی عام سی سوزش نہ سمجھو تم |
| اگر بیمار ہو تو پھر کرو احساس اوروں کا |
| قرنطینہ میں رہنے کو کڑی بندش نہ سمجھو تم |
| سماجی فاصلہ رکھنا ضروری ہے مرے ہمدم |
| مرے یوں دور ہونے کو دلی رنجش نہ سمجھو تم |
معلومات