| حزیں دل ہے مولا اسے شاد کر دے |
| مجھے فکرِ فردا سے آزاد کر دے |
| غلامی میں چاہوں نبی مصطفیٰ کی |
| یہ دل عشقِ احمد سے آباد کر دے |
| ہوں عترت نبی پر فدا جان و دل سے |
| محبت نبی اس کی بنیاد کر دے |
| خدایا مدینہ دلی آرزو ہے |
| تو مولا ہے فدوی کی امداد کر دے |
| سجی کیسی کیسی مدینے کی راہیں |
| کہے دل حزیں کا تو فریاد کر دے |
| مدینہ ہے تاباں جمالِ نبی سے |
| مدینے میں سائل کو آباد کر دے |
| یہ محمود مانگو عطا مصطفیٰ سے |
| خدا اُن کی خاطر بڑی داد کر دے |
معلومات