| مرا دل دے رہا ہے یہ دعا تجھ کو |
| کبھی بھی غم نہ دے میرا خدا تجھ کو |
| تری راہوں میں ہو روشن دیا کوئی |
| نہ چھو پائے کبھی غم کی ہوا تجھ کو |
| ملے موسم تجھے ہر پل بہاروں کا |
| ملے ہر اک طرف سے بس وفا تجھ کو |
| رہے قائم سدا رنگِ خوشی تیرا |
| نہ دے دنیا میں کوئی بھی جفا تجھ کو |
| سجے ہر خواب تیرا ہے دعا میری |
| ملے ہر سو سکونوں کی فضا تجھ کو |
| خدا سے آج میں نے یہ دعا مانگی |
| فرح خوش حال رکھے رب سدا تجھ کو |
| © شاعر ساگر حیدر عباسی |
معلومات