| سمجھا سمجھا رجّے، اک مت نئیں چھڈی |
| فیر وی عشق لٹیرے عادت نئیں چھڈی |
| اوکھے نے امتحان عشق نگر ہوندے |
| ایدھے تھپیڑے نی سب کولوں جر ہوندے |
| سوہنی زلیخا یوسف پاک تے جاں ہاری |
| تک شہکار حسن دا وسوں ہوئی باری |
| رانجھے تخت لٹایا، مجنوں ہویا قیس |
| ڈوب ریا ہے سب نوں، ایہہ عشق ازلوں نہس |
| جان اک تیشے پچھے فرہادے ہاری |
| مرزا جسموں تیراں نال ہویا چھلّی |
| سسی پنوں نوں وی گھیر لیایا عشق |
| ریت گرم دے تھلے آن دبایا عشق |
| ماہیوال اس نگری دے دھکے کھائے |
| سوہنی کچے گھڑے بہہ دریا وچ جائے |
| عشق نمازوں لوکی روک روک تھکے |
| جھلا عشق عقل نوں ماردا ہے دھکے |
| سال گزر گے پر ایہہ نی قابو ہویا |
| اک اک کر سب موئے پر ایہہ نی مویا |
| کون مدثر ایتھے کس نوں سمجھائے |
| چھڈ کے گلی عشقے دی کون گھر نوں جائے |
معلومات