| عکس کے پار دیکھ سکتے ہو |
| ایک کو چار دیکھ سکتے ہو |
| ہجر کے داغ کیسے لگتے ہیں |
| کیا مرے یار دیکھ سکتے ہو؟ |
| ربط ٹوٹے تو کیسا لگتا ہے |
| ہجر کی مار دیکھ سکتے ہو! |
| ہجر کو، وصل والے! کیا جانو! |
| تم تو بس پیار دیکھ سکتے ہو |
| کیسے ہوتے ہیں ہجر کے مارے |
| مجھ کو تم یار دیکھ سکتے ہو |
| تم نے جیتی ہے پیار کی بازی |
| اب میری ہار دیکھ سکتے ہو |
| آخری سانس لے رہا ہوں میں |
| آخری بار دیکھ سکتے ہو |
| کیسے جوڑا ہے جسم ملبے کو |
| میرا مع۔یار دیکھ سکتے ہو |
| سید ہادی حسن |
معلومات