| پھر ہاتفِ غیبی کہا خاموش ہو ناداں |
| تہذیب کو پابند کیا خود ہوا آزاد |
| وہ علم کے موتی وہ رسالے وہ کتابیں |
| باقی ہیں یہ سب تو ہی ہے بیزار ز اجداد |
| وہ حکمت و سائنس کی پر زور بہاریں |
| وہ جن سے کہ ویرانۂ مغرب ہوا آباد |
| توحید تھی تجھ میں تو یہ پیدا ہوئے اوصاف |
| خاکِ پائے یورپ ہوا اپنا کے تو الحاد |
| تھے تیرے ہی اجداد تو زندہ ہوئی دنیا |
| وہ مر چکے ہیں خاک میں ملت کے یہ افراد |
| زنار فرنگی تجھے اچھا لگا ظالم |
| بس خار تجھے لگتی ہے تسبیحِ خداداد |
| میرے یدِ بیضا سے ہوا موسیٰ منور |
| کیا خوب بہت خوب یہ اچھا کیا ارشاد |
| خورشید تھا پندار نے تجھ کو کیا ذرہ |
| مغرب نے تجھے قید کیا پہلے تھا صیاد |
| نیرنگیِ دوراں سے ہے تو مستِ تغافل |
| تعلیمِ محمد نہ رہی تجھ کو ذرا یاد |
| امت کے تنزل پہ یہ آنکھ خوں بہ فشاں ہیں |
| دردوں سے نہ پھٹ جائے کہیں یہ دلِ ناشاد |
| الفت سے ہی تقدیر بناتی ہیں سبھی قوم |
| اللہ تو منصف ہیں مگر ہم ہوئے بیداد |
| منظورِ نظر تیرے لیے کل تو وہی تھا |
| ہے پیرِ فلک آج کیوں تیرے لیے جلاد |
| افسوس تغافل میں تو یوں مست پڑا ہے |
| خرمن میں ترے آ کے لگا شعلۂ حساد |
| روتے ہیں قلندر ترے آیندہ دنوں پہ |
| کیا زخم ہیں تیرے کہ جو حیراں ہوئے فصاد |
| نیرنگیِ دوراں سے سبھی پر یہ عیاں ہے |
| مٹتی ہے سبھی شئے کہ ہر اک شے کی ہے میعاد |
| تہذیبِ فرنگی تجھے سوغات لگے ہے |
| معلوم بھی ہے تجھ کو کہ یہ مرض ہے معتاد |
| تو زندہ ہے یا مردہ تو ہی فیصلہ کر لے |
| جب بت نے تجھے دیے آیا خدا یاد |
| ویرانہ بنا میری نواؤں سے ہی گلشن |
| دے میری نواؤں کے لیے مجھ کو بھی کچھ داد |
معلومات