| سخن کا اک سلسلہ بنے گا |
| حرم بھی اب میکدہ بنے گا |
| علاج اس کا نہیں ہوا گر |
| یہ عشق اک دن وبا بنے گا |
| مجھے پتہ ہے کہ دھیرے دھیرے |
| وہ بت کسی دن خدا بنے گا |
| جو پڑھتا ہے جون ایلیا کو |
| وہ خود میں اک کربلا بنے گا |
| رگوں میں میرے جو دوڑتا ہے |
| لہو وہ رنگِ حنا بنے گا |
| حقیقت اتنی ہے زندگی کی |
| جو اب کے ہے ہے وہ تھا بنے گا |
| میں گر خدا سے لپٹ کے رو دوں |
| خدا بھی درد آشنا بنے گا |
| ہمارے قصے ملک سنیں تو |
| فلک پہ فرشِ عزا بنے گا |
| جنابِ نُصرت کو سننے والی |
| اُداس نسلوں کا کیا بنے گا |
| لہو بدن کا جلا دے مرحوم |
| تو عشق کا قافیہ بنے گا |
معلومات