| یوں ڈنکا نبی کا بجایا گیا ہے |
| جہاں کو کراں تک سجایا گیا ہے |
| دہر میں جو آئیں گے سب سے حسیں ہیں |
| یہ نبیوں سے اعلاں کرایا گیا ہے |
| مناظر جہاں کے مکمل ہوئے تھے |
| انہیں بزم میں پھر بلایا گیا ہے |
| نبی کے لئے ہیں زمان و مکاں سب |
| یوں گردوں کو ایسے چلایا گیا ہے |
| ملا اُن کو کوثر خدا سے ملا ہے |
| دنیٰ بھی حسیں کو دکھایا گیا ہے |
| وہ وارث ہیں ہمدم جہانِ خلق کے |
| یہ لولاک سے سب بتایا گیا ہے |
| خدا جانے جو کچھ ملا مصطفیٰ کو |
| وہ محمود کیا جو چھپایا گیا ہے |
معلومات