معلم کو کیسی جزا مل رہی ہے |
بنا ہی خطا کے سزا مل رہی ہے |
دیا تھا سبق جس نے صبر و وفا کا |
تو بدلے میں اس کو سزا مل رہی ہے |
تماشا یہ ہم نے عجب آج دیکھا |
جزاؤں کے بدلے سزا مل رہی ہے |
قیامت سے پہلے قیامت ہے دیکھی |
بنا ہی قیامت سزا مل رہی ہے |
ترانے جو گاتے وطن کے ہیں سارے |
ترانوں کے بدلے سزا مل رہی ہے |
لٹا دیں جوانی کی ساری بہاریں |
بڑھاپے میں سب کو سزا مل رہی ہے |
وفا کے سبق تھے پڑھائے سبھی نے |
یقینا اسی کی سزا مل رہی ہے |
کتابوں سے ڈرتے ہیں ظالم لٹیرے |
پڑھانے کی ہم کو سزا مل رہی ہے |
قلم میں ہے طاقت بہت ہی زیادہ |
تو لکھنے کی ہم کو سزا مل رہی ہے |
قسم ہے کہ بستی کے ہم ہیں محافظ |
حفاظت کی ہم کو سزا مل رہی ہے |
تجارت کتابوں کی روکیں گے ہم سب |
رکاوٹ کی ہم کو سزا مل رہی ہے |
اصولوں کی دنیا کے ہم تو ہیں باسی |
اصولوں کی ہم کو سزا مل رہی ہے |
جہالت کا ہر سو سماں چل رہا ہے |
وضاحت کی ہم کو سزا مل رہی ہے |
معلومات