| نگاہوں میں سرابوں کے سوا منظر نہیں آتا |
| بھٹکتا پھر رہا ہوں میں، کوئی رہبر نہیں آتا |
| ہماری شانِ استغنا پہ کتنا دنگ ہے وہ بھی |
| ہماری تمکنت کے روبرو قیصر نہیں آتا |
| مرے آنگن میں یادیں تو چلی آتی ہیں راتوں کو |
| مگر ملنے کبھی وہ بے وفا دلبر نہیں آتا |
| تماشائی بنے بیٹھے ہیں اہلِ شہر سب کے سب |
| بچانے کے لیے مظلوم کو لشکر نہیں آتا |
| ہزاروں سال سے جاری ہے گردش ان ستاروں کی |
| سمجھ میں گردشِ ایام کا محور نہیں آتا |
| وفا کی راہ میں چلنا بہت مشکل ہے دیوانو! |
| خوشی سے کوئی بھی اس راہ میں مضطر نہیں آتا |
| سبھی المیرؔ اس دنیا میں ہیں اپنی غرض والے |
| کوئی بھی بے غرض الفت کا اب خوگر نہیں آتا |
معلومات