| سوچی تھی کس نے خواب کی تعبیر اس طرح |
| سہنی پڑے گی ہر جگہ تحقیر اس طرح |
| مسمار کرکے کچے گھروندے عوام کے |
| اہرام ہوتے آئے ہیں تعمیر اس طرح |
| زخموں سے رستہ خون بھی محسوس ہو سکے |
| جنگوں کے باب کیجئے تحریر اس طرح |
| عزت دلائی خامہ بگوشوں نے ورنہ آج |
| قاتل نہ پاتے حرمت و توقیر اس طرح |
| اے صاحبان عقل و خرد سوچئے ذرا |
| کیوں کار گر عدو کی ہے تزویر اس طرح |
| بچ جائیں ان کے دام سے طفلانِ گرم جوش |
| میں کھینچتا ہوں ظلم کی تصویر اس طرح |
معلومات