| دریدہ گریباں سلا ہی نہیں تھا |
| رفوگر ہمیں یاں ملا ہی نہیں تھا |
| سناتے کسے ہم فراست کی باتیں |
| سخن فہم کوئی ملا ہی نہیں تھا |
| اترتے نہیں خواب آنکھوں میں میری |
| مرا کوئی ہمدم بنا ہی نہیں تھا |
| ہے قسمت یہ کیسی غموں میں ہے لپٹی |
| ملا دیپ جو وہ جلا ہی نہیں تھا |
| پٹختی رہی سر کو سینہ میں وحشت |
| کسی نے وہ ماتم سنا ہی نہیں تھا |
| کٹا سوگواری کے عالم میں جیون |
| مگر کوئی غم آشنا ہی نہیں تھا |
| میں تھا میری تنہائی اور تیری یادیں |
| کسی اور نے مجھ کو چنا ہی نہیں تھا |
معلومات