| کھلی کتاب ہوں کوئی سوال تھوڑی ہوں |
| میں دسترس میں ہوں سب کی محال تھوڑی ہوں |
| یہ ہاتھ کب سے بڑھایا ہے انتظار میں ہوں |
| یہ ہاتھ تھام لو دستِ سوال تھوڑی ہوں |
| وہ آج تک مرے سپنے میں بھی نہیں آیا |
| غریبِ شہر ہوں میں مالا مال تھوڑی ہوں |
| چلو سفر پہ مرے ساتھ پھر بچھڑ جانا |
| گذرتا وقت ہوں میں کوئی جال تھوڑی ہوں |
| امیرِ شہر کو اک آنکھ بیچ آیا ہوں |
| مجھے نہ سجدا کرو میں دجال تھوڑی ہوں |
| میں آج ہوں یہاں شاہدؔ میں کل نہیں ہوں گا |
| چراغِ سحر ہوں میں لازوال تھوڑی ہوں |
| ق |
| میں بھیڑ بکریوں میں بندروں میں اعلیٰ ہوں |
| خدا نے جس کو بنایا کمال تھوڑی ہوں |
معلومات