مشکل میں چھوڑ دیں سبھی پکڑے نہ کوئی ہاتھ |
لیکن بڑے یقین سے کہتا ہے رام ناتھ |
ہر بات جانتا ہے وہ لمبے ہیں اس کے ہاتھ |
کر لی ہے ہم نے دوستی اب اُس خدا کے ساتھ |
جلوے نظر کو خیرہ کریں دیکھیں جس طرف |
اُس گلبدن کے حسن کے مظہر ہیں پھول پات |
سورج زمین چاند ستارے جو ہیں رواں |
اپنے مدار پر چلیں وہ دن ہو چاہے رات |
دیتی جنم ستاروں کو ہے کہکشاں جہاں |
سوچو کہیں بڑی ہے تصوّر سے کائنات |
بارش سے چشمے پھوٹیں رواں آبشار ہوں |
دریا بہیں تو نہریں زمینوں کو دیں حیات |
لائے پیام اس کی ہی توحید کا رسول |
جو شرک سے ہے پاک اور اعلٰی ہے جس کی ذات |
پا کر مدد خدا کی ہوں وہ ایسے کامران |
دکھلائیں دشمنوں کو ہمیشہ ہوئی ہے مات |
جن کو ملائکہ کریں روح القدس عطا |
ہم کو خدا سے جوڑ دیں خود وہ پکڑ کے ہاتھ |
اک دہریے کے کان میں آواز یہ پڑی |
سُن کر پھڑک اُٹھا کہا کہہ دی کمال بات |
مالک ہے وہ تو ہو نہیں سکتا کوئی شریک |
قائم جو شرک پر اُنہیں ملتا ہے کب ثبات |
طارق سنبھل کے بات کرو جو بھی تم کرو |
پا جائے کوئی کیا پتہ سُن کر اُسے نجات |
معلومات