| آقا امت کے رکھوالے، تیرے فیض سدا ہیں نرالے |
| شاہا کالی کملی والے، تیرے فضل کے ہیں متوالے |
| چندہ سورج میں جو ضیا ہے، تیرے نور سے دان ملا ہے |
| تیرے در سے نور، ضیا لے، گھر تیرے سے،سب ہیں اُجالے |
| یہ جو محفلیں ہیں نورانی، یہ ہیں دانِ نبی سے نشانی |
| اے داتا مزمل والے، مجھے اپنے ہی در پہ بٹھا لے |
| رحمت کا ہے دریا تیرا، کالا عصیاں سے نامہ میرا |
| تو ہی خیر فقیر کو ڈالے، شؐاہا گود میں مجھ کو چھپا لے |
| سارے رستے کو آساں کر دے، میرا دامن آقما بھر دے |
| تیرے کرم سے نور اُجالے، اب کشتی ہے تیرے حوالے |
| میرے محسنؐ رحمت آئے، تیرے دان سے زحمت جائے |
| میرے عیب زمانہ اچھالے، شاہا باراں ہوں برکت والے |
| جب دنیا سے ہو میرا جانا، میرے پاس نبی جی آنا |
| میری جان ہو تیرے حوالے، کوئی غیر نہ اس کو نکالے |
| میں ہوں آلؑ سخیؐ کا بردہ، میرا حشر میں رکھنا پردہ |
| گلے جان کے ہیں اب لالے، بد بختی کو تو ہی ٹالے |
| اعدا نے ہے امت گھیری کب ہو گی وہ رحمت تیری |
| کوئی غیر نہ رخنہ ڈالے، تیرے فضل کے ہیں متوالے |
| جو محمود ادنیٰ گدا ہے، تیرے در پہ یہ آن گرا ہے |
| میرے آقا رحمت والے، تیرے کرم سے، تیرے حوالے |
معلومات