| گر گیا اک سہارا تو میں رو دیا |
| مجھ کو غم نے پکارا تو میں رو دیا |
| "میں نے بے کار سمجھا ہوا تھا تجھے" |
| اس نے طعنہ یہ مارا تو میں رو دیا |
| خواہشیں جو ادھوری تھیں پوری ہوئیں |
| دل سے پایا اشارہ تو میں رو دیا |
| کب سے کشتی بھنور میں پھنسی تھی مری |
| مل گیا جب کنارا تو میں رو دیا |
| وقت کے ساتھ رشتے بدلتے گئے |
| وقت نے بدلا دھارا تو میں رو دیا |
| حال پوچھا مرا اس نے، میں چپ رہا |
| اس نے پوچھا دوبارہ تو میں رو دیا |
| وقت اچھا تھا ماضی میں ڈوبا ہوا |
| یاد نے پھر ابھارا تو میں رو دیا |
معلومات