| ماحول پر فتن ہے سنبھلنا ذرا یہاں |
| ہشیاری خوب اپنی برتنا ذرا یہاں |
| بیداری کا مظاہرہ کرنا ذرا یہاں |
| اسباب ناتوانی سے بچنا ذرا یہاں |
| منظر ہو دل فریب، فضا میں ہو رنگ و بو |
| بن کے گلاب و لالہ مہکنا ذرا یہاں |
| ہر آن درد قوم عیاں ہو اداؤں سے |
| ملت کی نیک خواہی میں جینا ذرا یہاں |
| فکروں میں انقلابی امنگوں کی ہو جھلک |
| فرسودہ جو روش ہے بدلنا ذرا یہاں |
| امواج کے ضرر سے تردد ہو کب تلک |
| بحر عمیق میں بھی اترنا ذرا یہاں |
| پایہ کمال چاہئے ناصؔر جہاں میں گر |
| میدان علم و فن میں نکھرنا ذرا یہاں |
معلومات