| صدقہ حضورؐ کے ملی طیب حیات ہے |
| کتنی عظیم اور مقدس وہؐ ذات ہے |
| قرآن اسوۂ حسنہ کے ہے ہو بہو |
| "نقش قدم پہ آپؐ کے چل کر نجات ہے" |
| ہیرے جواہرات کا خبط و جنوں نہیں |
| عشق نبیؐ میں سارا جہاں بے ثبات ہے |
| سرکار ؐ نے مٹایا ہے فسق و فجور کو |
| بعثتؐ سے پر ضیا ہوئی کل کائنات ہے |
| ارشاد و قول آپؐ کے حکمت پہ مشتمل |
| دانائی، حلم سے بھری ہر ایک بات ہے |
| ذوق عمل میں گنبد خضریؐ بسا ہوا |
| شہر مدینہؐ دیکھ سکوں التفات ہے |
| محبوب ؐ یزداں سا کوئی ناصؔر ہوا نہیں |
| برتر تمام نبیوں میں آقؐا کی ذات ہے |
معلومات