| زندگی دیکھ کوئی تماشہ نہیں |
| درد ہے درد، پر کوئی کہتا نہیں |
| شہر میں عدل ہے پارہ پارہ ہوا |
| منصفِ شہر عادل کے جیسا نہیں |
| کھا کے لہجوں کے پتھر ترے شہر سے |
| ہوں بڑا دل شکستہ، سنبھلتا نہیں |
| ہے خبر عام اب یہ رواداروں میں |
| شہر میں کوئی اہلِ وفا سا نہیں |
| وقت نے اس قدر مجھ کو مفلس کیا |
| دل کو چیرا تو کچھ بھی تو نکلا نہیں |
| کھول دے در جو دل کے بے مطلب یہاں |
| کوئی ایسا سخی اب یاں رہتا نہیں |
| اک ترے حادثے نے بتا ہی دیا |
| عشق کا شہر میں اب ٹھکانہ نہیں |
معلومات