غزل |
اپنی اوقات دکھا دیتے ہیں انسان اکثر |
کس قدر خود کو گرا دیتے ہیں انسان اکثر |
دوسرے شخص کے جذبات کچلنے کے لیے |
دل کو پتھر کا بنا دیتے ہیں انسان اکثر |
روشنی کی جو طلب ان سے کوئی کرتا ہے |
سب چراغوں کو بجھا دیتے ہیں انسان اکثر |
مفلسی کا بھی یہ لوگوں کی اڑاتے ہیں مذاق |
جرم کے بن بھی سزا دیتے ہیں انسان اکثر |
ان سے اللہ کا رستہ بھی اگر پوچھو تو |
راستہ بت کا دکھا دیتے ہیں انسان اکثر |
خود کو نایب یہ خدا کا ہیں بتاتے پہلے |
پھر خدا خود کو بنا دیتے ہیں انسان اکثر |
اپنے محدود مقاصد کے لئے بھی انور |
شہر کا شہر جلا دیتے ہیں انسان اکثر |
انور نمانا |
معلومات