مرے مرشد نے مجھ سے یہ کہا تھا تم |
حفاظت کے لئے اپنی |
سمجھ کر ، پڑھ کے چاروں قل |
انہیں سینے پہ اپنے پھونک دینا جب |
نظر آئے دُھواں کوئی |
کہیں جلنے کی بُو آئے |
سمجھ لینا |
حفاظت کی ضرورت بڑھ گئی ہے اب |
نظر تم پر حسد کی پڑ گئی ہے اب |
تو پڑھنا آیت الکرسی |
اسے پھر پھونک لینا اپنے ہاتھوں پر |
انہی ہاتھوں کو تم اپنے |
بدن پر پھیر لینا ، پھر دعا کرنا |
خدا تم کو رکھے اپنی اماں میں اور |
شریروں سے بچائے ہر قدم پر ہی |
مگر یہ آیتہ الکرسی |
حفاظت کر نہیں سکتی |
اگر ایمان ہی میرا |
ہے کچا ، اُس کی ہستی پر |
ذرا بھی نا مکمّل ہے |
خدا ہر چیز پر قادر |
حفاظت کے وہ قابل ہے |
وہ اس کو مار دیتا ہے |
اگر شیطاں مقابل ہے |
مرا ایمان ہے اُس پر |
فدا یہ جان ہے اُس پر |
خدا رکھے حفاظت میں |
ہمیشہ میرے مرشد کو |
اسے عمرِ خضر دے کام کرنے کو |
مرادیں اس کی پوری ہوں |
ہر اک امّید بر آئے |
دعاؤں کے ثمر لائے |
معلومات