| جہاں کا یہ دل جو درِ مصطفیٰ ہے |
| منور اسی سے دہر کی فضا ہے |
| محبانِ سرور رہیں شاد اس جا |
| کہ مقصودِ عشاق یہ ہی جگہ ہے |
| سوالی سخی کے ہیں مسرور ہر جا |
| غلامانِ دلبر پہ راضی خدا ہے |
| نہیں مال و دولت کی وہ حرص رکھتا |
| غنی جس کو کرتی نبی کی ثنا ہے |
| نبی کے ہیں سائل سلاطیں جہاں کے |
| شہنشاہ نوازے، نبی کا گدا ہے |
| درود آئے اُن پر سدا کبریا سے |
| سلامی نبی کو دہر کی ادا ہے |
| منور مدینہ نگینہ دہر کا |
| جو نورِ نبی سے فروزاں رہا ہے |
| ہے محمود راضی غلامی میں اُن کی |
| کہ فردوس اس کی درِ دلربا ہے |
معلومات