| ہوئی ختم جن پر نبوت رسالت |
| نہیں ان سے بہتر کسی کی اصالت |
| وہ اس دور میں آئے بن کے معلم |
| جب انسان پر چھا رہی تھی جہالت |
| خدا نے عطا کی انہیں وہ فضیلت |
| کہ ہے ان کے سر پر جہاں کی امامت |
| وہی ہیں شفیعِ اُمم روزِ محشر |
| انہیں کے قدم پر لگے گی عدالت |
| ہوئی روشنی ہر طرف اُن کے دم سے |
| ہوئی دور انساں سے ذلت ضلالت |
| محمد پہ کامل ہوئی ہر حقیقت |
| ختم ان پہ کی رب نے ہر ایک نعمت |
| عتیق ان کے در پر جھکا لے جو خود کو |
| پریشاں نہ ہوگا نہ ہوگی خجالت |
معلومات