| نذرانہ جاں کا اپنی چڑھایا حسینؓ نے |
| ہستی کو دین حق پہ لٹایا حسینؓ نے |
| حکم خداﷻ پہ کنبہ کھپایا حسینؓ نے |
| "ایثار کیا ہے ہم کو بتایا حسینؓ نے" |
| دیکھا شہید ہوتے اقاربؓ کو سامنے |
| صبر جمیل ہم کو سکھایا حسینؓ نے |
| سجدے میں مسکراتے کٹایا گیا ہے سر |
| مژدہ رضائے مولیﷻ کا پایا حسینؓ نے |
| پائے ثبات زیست میں رکھنا ہے لازمی |
| جزبہ یہ خاص دل میں بسایا حسینؓ نے |
| دنیائے فانی ہیچ ہے، عقبی ہے بے بہا |
| اس غایت اولی کو جگایا حسینؓ نے |
| رحمت کی اہل بیتؓ پہ ناصؔر چلے ہوا |
| کردار سے چمن کو سجایا حسینؓ نے |
معلومات