| چل چلائو کے اب آثار نظر آتے ہیں |
| حضرتِ دِل ہیں کہ بیمار نظر آتے ہیں |
| دست بردار ہوں میں اپنے سبھی خوابوں سے |
| کیوں تِرے ہاتھ میں ہتھیار نظر آتے ہیں |
| کٹ گئے جیسے بھی دِن، سمجھو کہ آساں ہو گئے |
| رہ گئے جتنے، وہ دُشوار نظر آتے ہیں |
| ہے مِری آنکھ پہ قسمت کا کوئی تو پہرا |
| راستے بھی مُجھے دِیوار نظر آتے ہیں |
| دو قدم ساتھ چلے کوئی تو احساں جانو |
| ورنہ تو اب کہاں غم خوار نظر آتے ہیں |
| دامنِ چاک میں گُل کیسے سنبھالے جاتے |
| جو کبھی یار تھے، بیزار نظر آتے ہیں |
| دیر تک مجھ سے نبھا تو نہ سکے گی زاہد |
| زندگی کے جو اب اطوار نظر آتے ہیں |
معلومات