| میں جوگی جوگی جوگی ہوں |
| من میت نگر کا روگی ہوں |
| میرے اندر باہر تو ہی تو |
| میرا باطن ظاہر تو ہی تو |
| میں خاک جہاں کی ناپاکی |
| میرا سچا طاہر تو ہی تو |
| میں تیرا ادنیٰ یوگی ہوں |
| میں جوگی جوگی جوگی ہوں |
| میں مست الست قلندر ہوں |
| میں باہر ہوں میں اندر ہوں |
| اک دھرتی پاک کلیری کا |
| میں صابر شاہ سکندر ہوں |
| میں سوگ مناتا سوگی ہوں |
| میں جوگی جوگی جوگی ہوں |
| میں کوٹ مٹھن کا خواجہ ہوں |
| میں اوچ شریف کا راجا ہوں |
| کچھ لوگوں کا یہ کہنا ہے |
| میں رانجھا سب کا ساجھا ہوں |
| میں انت ازل کا بھوگی ہوں |
| میں جوگی جوگی جوگی ہوں |
| میں سارے گنجل کھولوں گا |
| میں سولی چڑھ کے بولوں گا |
| میں عدل انصاف کے پلڑے میں |
| سب عیب ہنر کو تولوں گا |
| میں سادھو ہوں میں یوگی ہوں |
| میں جوگی جوگی جوگی ہوں |
| میں تِرکھٹ تِرکھٹ تا دھن تا |
| میں حق کا سارے گا ما سا |
| میں مست ہوں اپنی مستی میں |
| جو تجھ سے بنے تو کہتا جا |
| میں پاک علی کا جوگی ہوں |
| میں جوگی جوگی جوگی ہوں |
| میں لَکھ داتا سلطان سخی |
| بوبکر عمر عثمان علی |
| میں روپ بدل کر آتا ہوں |
| میں عارف باللہ شان ولی |
| میں سچے رب کا یوگی ہوں |
| میں جوگی جوگی جوگی ہوں |
معلومات