| کھل اٹھے دل لب و رخسار پہ مسکان آئے |
| دن یہ لاکھوں ترے جیون میں مری جان آئے |
| تُو ہنسے تو سبھی تارے زمیں پر آ جائیں |
| تو جو روۓ تو ہر اک آنکھ میں طوفان آئے |
| خوشبوؤں سے تری مہکے ترے مالی کا چمن |
| تیرے ہونے سے بہاروں کو ابھیمان آئے |
| آفتابوں کو بھی ہو رشک چمکنے پہ ترے |
| زندگی میں تری وہ نازنیں پہچان آئے |
| بادشاہی ہو زمانے میں ذہانت کی ترے |
| علم کی رضیہ خیالوں کا وہ سلطان آئے |
| لب ہلیں تیرے تو چھا جائے سماعت پہ سرورو |
| یوں صداقت کو ترے لفظوں پہ ایمان آئے |
معلومات